බන්ධනාගාර ආශ්‍රිතව සිදු කෙරෙන නීති විරෝධී හා සමාජ විරෝධී ක්‍රියා රටේ ප්‍රධාන ධාරාවන්ට අභියෝග කරන බාධකයක් ලෙස හැඳින්විය හැකිය. බන්ධනාගාර තුළ සිටින දරුණු ගණයේ අපරාධකරුවන් එහි සිට අපරාධ මෙහෙය වීමත්, ඊට අවශ්‍ය පහසුකම් පිටතින් ලැබීමත් රට තුළ මෙවැනි තත්වයක් නිර්මාණය වීමට තවත් හේතුවකි. මත්ද්‍රව්‍ය මාෆියාව සහ පාතාලය මර්දනය කොට ජාතික ආරක්ෂාවට මුල් තැන ලබාදෙමින් සුරක්ෂිත රටක්, විනය ගරුක, ගුණ ගරුක හා නීති ගරුක සමාජයක් බිහි කිරිම උදෙසා ජනාධිපති ගෝඨාභය රාජපක්ෂ මහතා විසින් ගෙන ඇති ක්‍රියාමාර්ගය සමාජය තුළ පාතාල ක්‍රියාකාරකම් මර්දනය කිරීමට පිටුවහලක් වෙතැයි විශ්වාස කළ හැකිය.
සමස්තයක් ලෙස ගත් කල ලෝකයේ ඇති ප්‍රබල ජාවාරම් ක්‍රියාත්මක කෙරෙන අතරමැදි මධ්‍යස්ථානයක් බවට බන්ධනාගාර පත් වී ඇති බව ප්‍රචලිත වී ඇත. පාතාල කණ්ඩායම් ශක්තිමත් වීම යනු රටේ නීතිය ක්‍රියාත්මක වන යන්ත්‍රණයේ දුබලභාවයේ පෙරනිමිති කියාපාන්නකි. එය සිවිල් සමාජයේ යහපැවැත්මට කොතරම් අයහපත් බලපෑම් එල්ල කළේ ද යන්න ගැන රටට ඕනෑ තරම් අත්දැකීම් තිබේ.
පාතාලය මෙල්ල කිරීම, මත්කුඩු ජාවාරම වැළැක්වීම හා අපරාධකරුවන් හිරගෙදර සිට සිදු කරන රහස් මෙහෙයුම් කෙරෙහි ජනාධිපතිවරයාගේ දැඩි අවධානය යොමු වී ඇති බව පෙනෙයි. ඒවා මර්දනය සඳහා සෘජු පියවර ගැනීමට යන බවක් ද දැකගත හැකිය. එබැවින් මෙසේ හිස ඔසවන පාතාල කල්ලි මෙල්ල කිරීමේ මෙහෙයුමට රටේ පුරවැසියන් ලෙස උපරීම සහයෝගය දීම ජනතාවගේ යුතුකමකි.
ජනපතිගෙන් උපදෙස්
මීට දින කිහිපයකට ඉහත දී ජනාධිපතිවරයා හා බන්ධනාගාර දෙපාර්තමේන්තුවේ උසස් නිලධාරීන් අතර සාකච්ඡාවක් පැවැත් වූ අතර බන්ධනාගාරවල සිටින දරුණු ගණයේ අපරාධකරුවන්ට අපරාධ මෙහෙයවීම සඳහා අවශ්‍ය පහසුකම් ලැබෙන්නේ කෙලෙස ද යන්න සොයා බැලීම මෙහි අරමුණ විය. බන්ධනාගාර දෙපාර්තමේන්තුවේ පවතින අඩු පාඩු ඉවත් කර සම්පූර්ණයෙන් විධිමත් කළ යුතු බව එහිදී අවධාරණය කළ අතර ආරක්ෂක ලේකම්, යුද හමුදාපති, පොලිස්පති ඇතුළු කමිටුවක ප්‍රධානත්වයෙන් එය සිදු කෙරෙනු ඇත. නිලධාරීන් පුහුණු කිරීම්, දිරිගැන්වීම් ඇතුළු සියලු ක්‍රියාකාරකම් අධීක්ෂණ කණ්ඩායමකට යොමු කිරීමට ද උපදෙස් දෙනු ලැබිණ.
නීති ක්ෂේත්‍රයට හා ඒවා ක්‍රියාත්මක කිරීමට අදාළ ආයතන තුළ දූෂිත නිලධාරීන් බලවත් වීම දිගු කාලයක සිට පවත්නා ගැටලුවකි. අතීත අත්දැකීම අනුව රටේ පාතාල කණ්ඩායම් ශක්තිමත් වීමට දේශපාලන රැකවරණය හේතු වන බව ද පැහැදිලිය. බන්ධනාගාරය විශාල වශයෙන් එම ජාවාරම්වල අතරමැදි කේන්ද්‍රස්ථානයක් බවට පත් වී ඇති බවට පැහැදිලි සාක්ෂි පවා ඇත. විශේෂයෙන් මේ බව ස්ථිරවම හෙළිදරව් වන්නේ බන්ධනාගාර තුළ සිරබත් කන සහ එහි සිරබත් කන පුද්ගලයන්ගේ ඉන් පිටත සිටින ඔවුන්ගේ ගෝලබාලයන්ගෙන්ය. පසුගිය කාලය පුරාම විශේෂයෙන් පාතාලය, මත් ද්‍රව්‍ය, කුලී මිනීමැරුම් ඇතුළු සංවිධානාත්මක අපරාධවල සැලසුම් සකස් වී තිබුණේ බන්ධනාගාර තුළ සිටය.
තාක්ෂණයේ දියුණුවත් සමඟම ලොව පුරා බන්ධනාගාර තුළ සිදුකෙරෙන නීතිවිරෝධී කටයුතු ශීඝ්‍රයෙන් ව්‍යාප්ත වී ඇති අතර දුරකතන ජාලා ඔස්සේ සිදු කෙරුණු අපරාධ සැලසුම් ක්‍රියාත්මක කිරීමට බොහෝ පුද්ගලයෝ සමාජය තුළ සූදානම්ව සිටිති. රුපියල් ශත නොව අද බොහෝ නීතිවිරෝධී කටයුතු තීරණය කෙරෙන්නේ ලක්ෂ ගණනිනි. පැය කිහිපයක් තුළ විශාල මුදල් ප්‍රමාණයක් ලැබෙනවා නම් සමාජයේ හොඳ නරක පැත්තකට දමා මුදල ගැන පමණක් සිතා එම අපරාධයට සහයෝගය දෙන පුද්ගලයන් නිසා මත්ද්‍රව්‍ය ජාවාරම් වැනි අපරාධ සිදු වීමේ ප්‍රවණතාව ඉහළ ගොස් තිබේ.
බන්ධනාගාරය තුළ ලෝකයේ ඉහළම පණිවිඩ හුවමාරු ජාලය වූ සැටලයිට් දුරකතන පවා භාවිත වන බවට තොරතුරු වාර්තා වී තිබේ. හෙළිදරව් කරගෙන ඇති තොරතුරුවලට අනුව සෑම සිරකරුවකුටම වගේ ජංගම දුරකතනයක් ඇත. තම දුදරුවන්ට බිරියට කතා කරමින් දරුවන්ගේ අධ්‍යාපන කටයුතු ගැන විමසන පාර්ශ්වයන්ට බන්ධනාගාර තුළ ජංගම දුරකතන භාවිතය තහනම් කිරීම නිසා මුහුණ දෙන්නට වන තත්ත්වය සංවේගය ඇති කරවනසුලුය.
මත්කුඩු දුරකතන හෝ වෙනත් දේවල් අලෙවි කිරීමට පාතාලයට, මත්ද්‍රව්‍ය ජාවාරම්කරුවන්ට සහාය දෙන බන්ධනාගාර නිලධාරින් සීමිත පිරිසකගේ ක්‍රියා කලාපය විසින් රටේ සමස්ත යන්ත්‍රණයට ප්‍රබල බලපෑමක් සිදු කර ඇත. වචනයේ පරිසමාප්ත අර්ථයෙන්ම මහත්මා ගතිගුණ ඇති සිය රාජකාරිය අකුරටම ඉටු කරන බන්ධනාගාර නිලධාරිහු ද සේවයේ නිරත වී සිටිති. බන්ධනාගාරයේ සිටින සෑම බන්ධනාගාර නිලධාරියකුම අපරාධ කටයුතු වලට සම්බන්ධ නොවන බව සඳහන් කළ යුතුය.
රට ශීලාචාර කිරීමේ ව්‍යාපාර
පාතාල ක්‍රියාකාරකම් මුලිනුපුටා දැමීමට ආරක්ෂක අංශවල පමණක් නොව සිවිල් පුරවැසියාගේත් දේශපාලන නිලය, බලය සහිත සියලු පිරිස්වලත් සහයෝගය ඉතා වැදගත්ය. රට ශීලාචාර කිරීමේ ව්‍යාපාරය පියවරෙන් පියවර සාර්ථක කර ගැනීම ජනාධිපතිවරයාගේ ඉලක්කය වී ඇති බව පෙනෙයි. නීතියේ ආධිපත්‍යය තහවුරු වූ රටක පාතාලය හා දරුණු ගණයේ අපරාධ සිදු වන්නේ නැත. රාජ්‍ය ආයතන හා එම ආයතනවල නිලධාරී මණ්ඩල පාලන තන්ත්‍රයේම කොටසක් ලෙස හැඳින්විය හැකිය. රජයකට යහපත් හා සාර්ථක පාලනයක් ගෙන යැම සඳහා අදාළ ආයතන හා නිලධාරී මණ්ඩල සහයෝගය අනිවාර්යයෙන් ලැබිය යුතුය. රාජ්‍ය නායකයන්ට එම ආයතන හා නිලධාරි මණ්ඩල කළමනාකරණය සඳහා නෛතික බලයක් ද තිබේ.
ජාත්‍යන්තර ජාවාරම්කරුවන් සමඟ සන්නිවේදන උපකරණ මගින් සම්බන්ධ වී සිදු කරන මත් ද්‍රව්‍ය ජාවාරම වඩාත් භයානකය. මෙය සිදු වන්නේ ඉතාමත් සැලසුම් සහගතවය.
බන්ධනාගාරය තුළ සෑම දෙයක්ම මුදල් මතම සිදුවන බවට තොරතුරු වාර්තා වෙයි. රට තුළ සිදුවන බොහෝ අපරාධ සහ මහා පරිමාණ මත්ද්‍රව්‍ය ජාවාරම් බන්ධනාගාරයේ සිට මෙහෙයවන බවට නිශ්චිත තොරතුරු අනාවරණය වී තිබේ. ඒ පිළිබඳව ජනතාව අතර ද දීර්ඝ කාලයක සිට පැවති කණගාටුවකි. බන්ධනාගාර ඇතුළත ජංගම දුරකථන භාවිතය සම්පූර්ණයෙන් නතර කිරීමට කටයුතු කළ යුතුය.
කුඩු ජාවාරම හා එම ජාවාරම්කරුවන් කොතරම් බලවත් ද යත්; රටක ආණ්ඩු වෙනස් කිරීමට පවා ඔව්හු උත්සාහ කරන අතර ඇතැම් පිරිස් බන්ධනාගාරයෙන් පිටත ද සිය ජාවාරම් කරගෙන යති. ඉන් නොනැවතී තමන්ට එරෙහි වන පුද්ගලයන් ඝාතනය කරති. මේ කරුණු සැලකිල්ලට ගනිමින් නීති - රීති ඉතා තදින් ක්‍රියාත්මක විය යුතුය. පොදු සමාජය ද ඊට සහයෝගය දැක්විය යුතුය.
ජනාධිපතිවරයාම මෙයට මැදිහත් වෙමින් සිය යුතුකම නොපිරිහෙළා ඉටු කරන ආකාරයක් දැකගත හැකිය. පාතාලය රටේ ප්‍රශ්නයක් වී ඇති බවත්, පාතාලය මර්දනය කළ යුතු බවත් ජනාධිපතිවරයා පවසා ඇත්තේ එබැවිනි. ඉන් නැඟෙන එක් අර්ථයක් වන්නේ නීතියේ ආධිපත්‍යය තහවුරු වීමේ සලකුණු දැනටමත් පහළ වී ඇති බවයි.
පැහැදිලි දැක්මක් සහිතව රට ගෙන යෑම රටේ විනය ගොඩනැඟීම දීර්ඝ කාලයක සිට ඇති අවශ්‍යතාවකි. කලකට පෙර රට පුරා රජ කළ පාතාලයේ බිහිසුණු අත්දැකීම් රාජපක්ෂ යුගයේ පහ වී යනු ඇතැයි මෙරට ජනතාව තදින්ම විශ්වාස කරති. දැන් නැවතත් තැන තැන වෙඩි තැබිම් පැහැරගෙන යෑම්, ඝාතන පිළිබඳ සිදුවීම් අසන්නට දකින්නට නොමැති තරම්ය.
බන්ධනාගාර දෙපාර්තමේන්තුවේ ක්‍රියා පිළිවෙත කෙරෙහි මහජන විශ්වාසයක් ඇති කරමින් නීතිය බලාත්මක කිරීම ජනාධිපතිවරයාගේ අභිප්‍රාය වී ඇත. අනෙක් කරුණු අදාළ ආයතනය තුළ නීතිය ක්‍රියාත්මක වීම පිළිබඳ සැකයක් නැවත මතු විය නොහැකි බවය. ඉන් හැඟෙන තවත් අර්ථයක් වන්නේ අදාළ ආයතනය තුළ දූෂිත නිලධාරීන්ගේ ක්‍රියාකාරකම් මුලිනුපුටා දැමීමට රජය විශාල මෙහෙයක් දරන බවයි.
අධීක්ෂණ කණ්ඩායමක්
බන්ධනාගාරය හෝ පොලීසිය බිඳවැටී ඇත් නම් රටේ නීතිය ක්‍රියාත්මක කිරීම කෙරෙහි එය බලපාන අතර කුමන දේශපාලන මතයක් දැරුව ද නිලධාරියකු හරි දේ කරන්නේ නම් එය අනුමත කිරීමට තමා පසුබට නොවන බවත් බන්ධනාගාර දෙපාර්තමේන්තුවේ පවතින අඩු පාඩු ඉවත්කර සම්පූර්ණයෙන් විධිමත් කළ යුතු බවත් ජනාධිපතිවරයා අවධාරණය කර ඇත. නිලධාරීන් පුහුණු කිරීම්, දිරිගැන්වීම් ඇතුළු සියලු ක්‍රියාකාරකම් අධීක්ෂණ කණ්ඩායමකට යොමු කිරීමට ද උපදෙස් දී ඇත.
දූෂිත සහ අකාර්යක්ෂම නිලධාරීන් හඳුනාගෙන ඔවුන් සම්බන්ධයෙන් නිවැරදි තීරණ ගත යුතුව ඇත. බන්ධනාගාරය හෝ පොලීසිය බිඳ වැටී ඇත්නම් රටේ නීතිය ක්‍රියාත්මක කිරීමේදී එය බලපානු ලැබේ.
බන්ධනාගාරය තුළ සිට සිදුවෙන මේ මහා පරිමාණ අපරාධ සැලසුම් රැල්ල සම්පූර්ණයෙන් මැඬ පැවැත්වීමට නම් බන්ධනාගාර තුළ සැබෑ වෙනසක් ඇති කළ යුතුය. මෙවැනි දේ අතරතුර බන්ධනාගාර තුළ සිදුවන බොහෝ යහපත් දේ ද ඇත. සිරකරුවන් අතරින් වැඩි පිරිසක් ඊට සම්බන්ධ නොවන අහිංසක රැඳවූවෝය. මොවුන් බලා සිටින්නේ බන්ධනාගාරය තුළ යහපත් ජීවිතයක් ගත කර හැකි ඉක්මනින් ඉන් පිටතට යාමටය. කිසිම ආකාරයකින් දුරකතන භාවිත කිරීමට නොහැකි වන වාතාවරණයක් බන්ධනාගාර තුළ නිර්මාණය වී දුරකතන ජාල ඔස්සේ සිදු වන සියලු අපරාධවලට මින් නිමාවක් සිදුවනු ඇතැයි ඉහත කරුණු අනුව විශ්වාස කළ හැකිය. දූෂිත සහ අකාර්යක්ෂම නිලධාරීන් හඳුනාගෙන ඔවුන් සම්බන්ධයෙන් නිවැරදි තීරණ ගත යුතුව ඇත. පාතාලය මර්දනය කිරීමේදී ඊට අදාළ විශේෂ පුහුණු ඒකකයක් පිහිටුවීම වැදගත් ය. යුක්තිගරුක හාවිනයගරුක ජන සමාජයක් ගොඩනැඟීමට මත්කුඩු ජාවාරමට එරෙහි ව ක්‍රියා කිරීමේ දී අන්තර්ජාතික වශයෙන් එන අභියෝගවලට පවා මුහුණ දෙන්නට සිදු විය හැකි අතර එවැනි තත්ත්වයකදී වුවද ශක්තිමත්ව මුහුණ දිය හැකි නායකයකු බලයේ සිටීම රටේ වාසනාවකි.
සටහන
පමුදිනි සමරනායක
රටක් එක සැරේට වහලා දානව කියන එක බරපතළ කාරණයක්. රටේ ආර්ථිකට, ආදායම, මිනිසුන්ගේ එදිනෙදා ජීවත්වීමේ රටාව, විදේශිකයන්ගේ පැමිණීම, විදේශවල ඉන්න දේශීය අයගේ පැමිණීම සියලු කාරණා ගැන බලන්න ඕනැ. මම නම් දකින්නේ අවශ්‍ය සියලු තීන්දු තීරණ නිසි වෙලාවට කලාවට ගත්තා වගේම ශක්තිමත් පාලනයකින් මෙය පාලනය කළා, කළමනාකරණය කළා කියන එකයි.
දසක තුනක් පුරා පැවති කුරිරු යුද්ධය අවසන් වී දසකයක් පසු වුව ද යුද්ධයේ කටුක මතක තවමත් ජන හදවත් තුළ රිදුම් දෙමින් පවතී. එකී මතක අතර, ම්ලේච්ඡ කොටි ත්‍රස්තවාදීන්ගේ කෲරත්වය ලොවටම පෙන්වූ කැබිතිගොල්ලෑව යකාවැව ඛේදවාචකය කිසිදා සුව නොවන වේදනාවකි. යකාවැව සිට ගමන් ගත් අහිංසක ගම් වැසියන් රැගත් ලංගම බස් රථයක් ඉලක්ක කර ගනිමින් කෝන්ගොල්ලෑව ප්‍රදේශයේ දී එල්ටීටීඊ ත්‍රස්තවාදීන් එල්ල කළ ක්ලේමෝ බෝම්බ ප්‍රහාරයෙන් අපරැක්කේ සුදස්සී හිමියන් ඇතුළු ප්‍රදේශවාසීහු හැත්තෑ දෙනකු (70) මිය ගිය අතර, අසූ තුන් දෙනකු (83) තුවාල ලැබූහ.
අගහිඟකම්, නැතිබැරිකම් මැද ගතේ සවියෙන් සිතේ විරියෙන් මහ පොළොව සමඟ පොරබදා උපයා ගත් සොච්චමෙන් ජීවිතය ගැට ගසා ගත් මේ අහිංසක මිනිසුන් යුද්ධයේ හවුල්කරුවන් හෝ ඊට වගකිවයුත්තන් හෝ නොවූ නමුත් කුරිරු යුද්ධය වෙනුවෙන් ලෙයින්, මසින්, ආත්මයෙන්ම වන්දි ගෙවීමට ඔවුනට සිදු විය.
මුල්‍ය සමාගම් පිළිබඳ කතා බහක් මේ වන විට රට තුළ මතු ව තිබේ. ඊට එක් හේතුවක් වන්නේ ‘’ඊ.ටී.අයි, ද ෆිනෑන්ස් ‘’ වැනි මුල්‍ය ආයතන වල පසුගිය දිනවල ඇති වූ තත්ත්වයයි. මුල්‍ය ආයතනයක ගැටුමකින් පුද්ගලයකු මිය යෑම ඉහත කතා බහ තීව්‍ර කිරීමට බලපා තිබේ.
කොවිඩ් 19 වසංගත රෝගය මෙන්ම මේ දිනවල වැඩි අවධානයක් යොමු වී තිබෙන ඩෙංගු රෝගය ද මාරාන්තික බව අමුතුවෙන් කිය යුතු නැත. කොරෝනා රෝගය වසංගත තත්ත්වයක් වූයේ එය මිනිසාගෙන් මිනිසාට වේගයෙන් බෝවීම හේතුවෙනි. එහෙත්, ඩෙංගු රෝගය වැලඳෙන්නේ ඩෙංගු මදුරුවා දෂ්ට කිරීමෙනි. මදුරුවා මර්දනය කිරීමෙන් ඩෙංගු රෝග ව්‍යාප්තිය අවම කළ හැකිය.
මෙතෙක් ආසන්න වශයෙන් 27.9%ක් පමණ ඩෙංගු රෝගීන් වාර්තා වූයේ බස්නාහිර පළාතෙනි. කොරෝනා වසංගතය හේතුවෙන් තාවකාලිකව නවතා දමා තිබූ ඇතැම් ඉදිකිරීම් බිම් ආශ්‍රිතව මදුරු ව්‍යාප්තිය ඉහළ යාමට ඇති ඉඩකඩ වැඩිය. මේ හේතුවෙන් ඩෙංගු රෝගය පිළිබඳව නැවත නැවතත් විමසිලිමත් වීම අප සැමගේ වගකීමකි.
1977 දී කේවල ඡන්ද ක්‍රමය පැවැති අවසන් මැතිවරණය වූ අතර එම මැතිවරණයෙන් හයෙන් පහක බලයක් එ.ජා.පක්ෂය විසින් දිනාගන්නා ලදී. එම අති විශේෂ බලය ඒ ආකාරයෙන්ම තවත් වසර හයක් ලබාගැනීම සඳහා ජේ. ආර්. ජයවර්ධන මහතා 1982 ජනමත විචාරණයක් පවත්වා පාර්ලිමේන්තු නිල කාලය 1983 සිට තවත් වසර හයකට දීර්ඝ කර ගත්තේය. ඒ අනුව 1989 පෙබරවාරි 15 දින මහ මැතිවරණය පවත්වන ලද්දේ වසර 12කට පසුවය. ඒ අතර 1978 දී සම්මත කර ගත් නව ආණ්ඩුක්‍රම ව්‍යවස්ථාව අනුව මහ මැතිවරණ පැවැත්වීම සමානුපාතික ඡන්ද ක්‍රමය මත සිදුකිරීමේ විධිවිධාන යෙදින. ඒ ආකාරයෙන් සමානුපාතික ඡන්ද ක්‍රමය මත පැවැති පළමු මහ මැතිවරණය 1989 මහ මැතිවරණයයි.